WSB liqasında mübarizə aparan “Baku Fires” boks klubu növbəti mövsümdən Avropa zonasında çıxış edəcək. Apasport.az saytının məlumatına görə, bu haqda komandanın baş meneceri Rizvan Gənciyev məlumat verib.

Onun sözlərinə görə, ötən il yarışa gec qoşulduqlarından, Beynəlxalq Həvəskar Boks Assosiasiyası (AİBA) Asiya zonasında iştiraklarını məqsədəuyğun sayıb: “Asiyada komandaların sayı çoxalıb. Biz ötən il yarışa bir qədər gec qoşulduq. Əslində coğrafi baxımından Avropada yerləşirik. Buna görə də növbəti mövsüm bu zonada iştirak edəcəyik. Məsələ 90 faiz həllini tapıb”.

Gənciyev Avropada yarışmağın daha faydalı olduğunu qeyd edib: “Yeni mövsümdə Avropada 6 komanda mübarizə aparacaq. İlk dəfə keçirilən WSB layihəsi müsbət nəticə verib. Növbəti mövsümdə Avropada çıxış edəcəyimizdən, Rusiya, Almaniya, İtaliya və hazırda yarımfinalda rəqibimiz olan Fransa kimi güclü rəqiblərlə görüşmək imkanımız olacaq”.

Qeyd edək ki, “Baku Fires” Asiya zonasında 1-ci yeri tutaraq, yarımfinalda Fransanın “Paris United” klubu ilə sabah evdə ilk görüşünə çıxacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”