Ağır atletika üzrə Azərbaycan yığmasının üzvü Valentin Xristov yeni Avropa rekordu müəyyənləşdirib. Apasport.az saytının məlumatına görə, bolqarıstanlı legionerimiz buna Rusiyanın Kazan şəhərində keçirilən qitə çempionatında nail olub.

56 kq çəki dərəcəsində çıxış edən təmsilçimiz Avropa çempionatında (birdənqaldırmada 115 kq, təkanlaqaldırma 147 kq) 262 kq çəkini ram edib. Bu isə qitə yarışlarında U-17 üçün yeni rekordun qeydə alınması ilə nəticələnib. Birincilikdə rəqibləri arasında yaşına görə ən kiçik olan idmançımız birdənqaldırmada və təkanlaqaldırmada da Avropanın yeni rekordçusuna çevrilib.

Qeyd edək ki, bu uğur bolqarıstanlı legionerin milli komandamızda debütünə təsadüf edib.

• Velosiped idmanının trek növü üzrə Azərbaycan çempionatının qalibləri müəyyənləşib
• Bakıda stend atıcılığı üzrə ölkə kuboku keçiriləcək
• Azərbaycanın yelkən komandası Türkiyə reqatasında iştirak edəcək
• Fiziki imkanları məhdud uşaqlar üçün padel tədbiri keçirilib
• Bakıda kamandan oxatma üzrə ölkə birinciliyi keçiriləcək