Azərbaycan gimnastları Çinin Nankin şəhərində keçirilən Dünya Yaş Qrupları Yarışlarında daha bir medal qazanıblar.

Apasport.az xəbər verir ki, batut gimnastikası üzrə 13-14 yaş kateqoriyasında sinxron proqramda çıxış edən Məhəmməd Həsənli və Ömər Qasımlı finalda 46,160 xal toplayaraq bürünc medala sahib olublar.

Eyni proqramda 17-21 yaş kateqoriyasında mübarizə aparan Mehdi Əliyev və Nicat Mirzəyev təsnifat mərhələsini 48,960 xalla dördüncü pillədə başa vuraraq finala vəsiqə qazanıblar.

Tamblinq üzrə fərdi proqramda 11-13 yaş kateqoriyasında çıxış edən Əsnad Niftiyeva isə 42,700 xalla səkkizinci olub və final mərhələsinə yüksəlib.

Qeyd edək ki, Azərbaycan gimnastları yarışda mübarizələrini davam etdirirlər.

• Azərbaycan gimnastları dünya çempionatına uğurlu start veriblər
• Bakı 2027-ci ildə idman gimnastikası üzrə Dünya Kuboku mərhələsini qəbul edəcək
• Gimnastika üzrə ölkə birinciliklərinə start verilib
• Azərbaycan komandası finala vəsiqə qazanıb
• Gimnastlarımızdan beynəlxalq turnirdə 4 medal