“Mən Avropa çempionatınadək təxminən 20 aydır heç bir yerdə iştirak etməmişəm. Bu səbəbdən öz nəticəmdən razıyam”. Apasport.az saytının məlumatına görə, bunu ağırlıqqaldırma üzrə Azərbaycan milli komandasının üzvü Valentin Xristov deyib.

Avropa çempionatında ilk rekordu müəyyənləşdirən bolqarıstanlı təmsilçimiz Kazanda keçirilən Avropa çempionatında əvvəlcədən rekord qırmağı planlaşdırdığını bildirib: “2 dəqiqə ərzində 1 çəkini qaldırmaq çox çətin idi. Lakin mən rekord qırmaq istəyirdim. Bunu isə bacardım”.

Qeyd edək ki, rəqibləri arasında ən kiçik olan 17 yaşlı Xristov 262 (115 kq + 147 kq) kq çəkini başı üzərinə qaldıraraq, həmyaşıdları arasında yeni Avropa rekordu müəyyənləşdirib.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar