FİFA prezidenti Yozef Blatter növbəti seçkilər ərəfəsində əl-ayağa düşüb. Apasport.az saytının məlumatına görə, isveçrəli futbol funksioneri quruma üzv olan ölkələrin federasiyalarına məktub göndərib. O, məktubunda federasiyaları qarşıdakı prezident seçkilərində qalib gələcəyi halda, görəcəyi işlər haqda məlumatlandırıb.
Blatter qeyd edib ki, korrupsiya, dopinq, danışılmış oyunlarla mübarizəni daha da gücləndirəcək. O, bu məqsədlə, həmçinin müxtəlif layihələr məqsədilə 1 milyard dolları federasiyalar arasında bölüşdürəcək. FİFA prezidenti arxada qalan dövrdəki fəaliyyətini də xatırladaraq, bu kursu davam etdirmək üçün vaxt verilməsini xahiş edib.
Qeyd edək ki, AFFA quruma üzv olan 208 federasiyadan biridir. Blatter prezident seçiləcəyi halda, ilk səfərini məhz ölkəmizə olacaq. Blatter futbolumuzun 100 illiyi ilə bağlı təşkil olunacaq tədbirə dəvətlilər sırasındadır.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”