Bu gün Çinin paytaxtında stend atıcılığı üzrə Dünya Kuboku start götürüb. Apasport.az saytının məlumatına görə, London Olimpiadasına lisenziya xarakteri daşıyan turnirin ilk günündə hədəf önünə milli komandamızın 3 üzvü - Zemfira və Regina Meftahəddinovalar, eləcə də Nurlana Cəfərova keçib.

Təəssüf ki, son yarışlarda inamsız təsir bağışlayan snayperlərimiz bu dəfə də ümidləri doğrultmayıblar. Skit növündə mübarizə aparan idmançılarımızdan ən yaxşı nəticəni Olimpiya çempionumuz Zemfira Meftahəddinova göstərib. 68 xal toplayan atıcı 11-ci yeri tutub. Ondan 1 xal az toplayan Nurlana 20-ci olub. Regina isə 61 xalla 40 pillədə qərarlaşıb.

Qeyd edək ki, aprelin 28-dək davam edəcək Dünya Kubokunda 4 kişi snayperimiz də lisenziya uğrunda yarışacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”