Avro-2012-nin seçmə mərhələsində Azərbaycanla birlikdə A qrupunda yer alan Almaniya yığması artıq yarışın final mərhələsini düşünür. Apasport.az saytının məlumatına görə, Bundestim Polşa və Ukraynada keçiriləcək turnir zamanı hansı şəhərdə məskunlaşacağı ilə bağlı seçimini indidən edib.

Qdansk şəhərində qalacaqlarını təsdiqləyən baş məşqçi Yoahim Löv seçimi əsaslandırıb: “Burada hava yaxşıdır. Baltik dənizin lap yaxınlığındayıq. Ağlımızı təmizləyə bilərik. Ən əsası isə burada uzun müddət qalacağıq”.

Qeyd edək ki, 5 oyunda sonra 15 xal yığan almaniyalılar iyunun 3-də Vyanada Avstriya, 4 gün sonra Bakıda Azərbaycan yığmasının qonağı olacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”