Gürcüstanın paytaxtı Tiflisdə qadınlar arasında şahmat üzrə keçirilən şəxsi Avropa çempionatına yekun vurulub. Apasport.az saytının məlumatına görə, yarışa 14 şahmatçı ilə qatılan Azərbaycan milli komandası uğursuzluqla üzləşib.

Belə ki, xanım zəka sahiblərimizdən ən yaxşı nəticəni Xəyalə Abdulla göstərib ki, o da 7 xalla 26-cı olmağı bacarıb. Digər şahmatçılarımız - Nərmin Kazımova 39-cu (6 xal), Zeynəb Məmmədyarova 56-cı (6 xal), Xəyalə İsgəndərova 58-ci (5,5 xal), Nərmin Xələfova 68-ci (5,5 xal), Səbinə İbrahimova 78-ci (5 xal), Gülnar Məmmədova 85-ci (5 xal), Aysel Məmmədova 94-cü (4,5 xal), Türkan Məmmədyarova 98-ci (4,5 xal), Nərgiz Umudova 102-ci (4,5 xal), Səbinə Quliyeva 105-ci (4,5 xal), Turan Əsgərova 110-cu (4 xal), Ülviyyə Fətəliyeva 119-cu (3,5 xal) və Nərmin Soyunlu 128-ci (2,5 xal) yeri tutublar.

Qeyd edək ki, 26 ölkədən 130 şahmatçının iştirak etdiyi Avropa çempionatının qalibi adını litvalı Viktoriya Çmilite qazanıb. O, 11 görüşdən 9 xal toplayıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”