NBC Bank Azərbaycan kubokunun finalında qarşılaşacaq "İnter" və "Xəzər Lənkəran" klubları mayın 23-də oyun öncəsi son məşqlərini keçirəcəklər. Apasport.az saytının məlumatına görə, Tofiq Bəhramov adına Respublika stadionunda saat 19:00-dan etibarən ilk olaraq "İnter" klubu hazırlıq keçəcək. Saat 20:00-da isə "Xəzər Lənkəran" klubunun məşqi baş tutacaq.

Hər iki komandanın üzvləri məşqdən öncə Tofiq Bəhramov adına Respublika stadionunda təşkil olunacaq mətbuat konfransında KİV nümayəndələrinin suallarını cavablandıracaq. "İnter" komandasının baş məşqçisi Kaxaber Sxadadze və kapitan Vladimir Levinin iştirak edəcəyi mətbuat konfransı saat 18:40-da keçiriləcək. "Xəzər Lənkəran"ın baş məşqçisi Mirça Rednik və kapitan Kamran Ağayevin qatılacağı mətbuat konfransı isə bundan 1 saat gec - 19:40-da başlayacaq.

Mənbə: pfl.az

• FIDE Vüqar Həşimovun atasının vəfatı ilə bağlı başsağlığı verib
• Vüqar Həşimovun partlayışda xəsarət alan atası vəfat edib
• Millimizin Avropa çempionatı üçün heyəti açıqlanıb
• "Formula 1"in ən varlı pilotları bəlli olub
• AMADA-nın təşkil etdiyi beynəlxalq müsabiqəyə yekun vurulub