Ukraynanın paytaxtı Kiyevdə keçirilən cüdo üzrə gənclər arasında Avropa Kubokuna yekun vurulub. Apasport.az saytının məlumatına görə, yarışa 26 idmançı ilə qatılan Azərbaycan milli komandasının qazancı 2 qızıl və 4 bürünc medal olub.

Yığmamızın üzvlərindən Mehman Sadıqov (55 kq) və Orxan Hacıağalı (66 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar. İlqar İsmayılov (60 kq), Dilqəm Əliyev (66 kq), Xanım Hüseynova (57 kq) və Hikmət Alışov (90 kq) isə bürünc medala seviniblər.

Yığmamız komanda hesabında 19 ölkə arasında 3-cü yeri tutub. İlk pillə Ukraynaya, ikinci yer isə Rusiya idmançılarına qismət olub.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib