Türkiyə vətəndaşlığını qəbul edən azərbaycanlı atlet Ramil Quliyev ilk uğurunu qazanıb. Apasport.az saytının məlumatına görə, klublararası Türkiyə Super Liqasında “Fənərbaxça”nın heyətində qaçış zolağına çıxan həmyerlimiz 200 metr məsafəni 20,73 saniyəyə qət edərək, yeni rekord müəyyənləşdirib.

Lakin o, 13 illik Rəşat Oğuzun rekordunu qırsa da (21,04), Azərbaycan Atletika Federasiya ilə problem səbəbindən adını Türkiyə tarixinə yazdıra bilməyib. Belə ki, milli komandamızın sabiq üzvünün nəticəsi nəzərə alınmayıb və Quliyevin ardından finiş xəttinə 21,01 saniyəyə ikinci çatan İzzət Səfər yeni rekordçuya çevrilib.

Qeyd edək ki, Azərbaycan Atletika Federasiyasının rəsmi icazəsi olmadığı halda, Ramil 3 il yarışlara qatıla bilməz.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb