İyulun 16-23-də Almaniyanın Münhen şəhərində keçiriləcək güllə atıcılığı üzrə Dünya Kubokunun mərhələ yarışında iştirak edəcək Azərbaycan milli komandasının heyəti açıqlanıb. Apasport.az saytının məlumatına görə, London-2012-yə lisenziya xarakterli turnirdə ölkəmiz 4 snayperlə təmsil olunacaq.

Almaniyada idmançılarımızdan hədəf önünə İradə Aşumova, Nigar Bağırova, Ruslan Lunyov və Şükürağa Eyvazov çıxacaqlar. Bu atıcılardan ilk üçü son yarışlarda iştirak etdiyi halda, Eyvazov əsas komandaya ara-sıra çağırılır.

Qeyd edək ki, beynəlxalq turnirlər istisna olmaqla, snayperlərimiz iştirak etdikləri son rəsmi yarışlarda medala həsrət qalıblar. Düzdür, onlar hərdən şəxsi göstəricilərini yaxşılaşdırırlar. Lakin bu, heç də nə titul, nə də lisenziya demək deyil.

• Bakıda Ümumdünya Velosiped Gününə həsr olunmuş veloyürüş keçirilib
• Azərbaycan birinciliyinin qalibləri bəlli olub
• Azərbaycan idmançılarının 2026-cı ilin iyun ayı üçün reytinq cədvəli açıqlanıb
• Velosiped idmanının trek növü üzrə Azərbaycan çempionatının qalibləri müəyyənləşib
• Bakıda stend atıcılığı üzrə ölkə kuboku keçiriləcək