Avro-2012-nin baş tutan seçmə oyunlarında Azərbaycan Premyer Liqasında çıxış edən futbolçu da iştirak edib. Apasport.az saytının məlumatına görə, Bakının “İnter” klubunun futbolçusu Dmitri Kruqlov İtaliya ilə matçın iştirakçısı olub. O, Estoniya yığmasının səfər matçındakı 0:3 hesablı darmadağınında 90 dəqiqə meydanda olub.

Premyer Liqamızın sabiq və potensial legionerləri arasında da dünən meydana çıxanlar olub. Elə Kruqlovla yanaşı “Neftçi”nin sabiq futbolçusu Taavi Ryahn da İtaliyada 90 dəqiqə meydanda olub. Sabiq “Olimpik”li Tadas Labukas Litvanın Lixtenşteyn biabırçılığında (0:2) ikinci hissəni meydandan izləyib. Moldovalı Anatoli Doroş isə İsveçlə görüşün ilk 63 dəqiqəsində meydanda olub və 1:4 hesablı məğlubiyyətə üzülüb. “Neftçi”nin maarq dairəsində olan Belarus yığmasının qapıçısı Sergey Veremko isə Fransa ilə heç-heçə edən (1:1) “qəhrəmanlar”dan biri olub. O, sarı vərəqə ilə cəzalansa da komandasının uğurunda pay sahibi olub.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb