İyulun 18-29-da İsveçrənin Bill şəhərində keçiriləcək beynəlxalq turnirində azərbaycanlı qrossmeyster Vüqar Həşimovu əvəzləyəcək şahmatçının adı məlum olub. Apasport.az saytının məlumatına görə, milli komandaya dəvətdən sonra bu yarışda iştirak etməyəcəyi dəqiqləşən həmyerlimizi təşkilatçılar ispaniyalı Aleksey Şirovla əvəzləyiblər.

Nəticədə Bakının “SOCAR” klubunda çıxış etmiş Şirov Maqnus Karlsen (Norveç), Maksim Vaşyer-Laqrav (Fransa), Fabiano Karuana (İtaliya), Yannik Peletye (İsveçrə) və Aleksandr Morozeviçə (Rusiya) rəqib olub.

Qeyd edək ki, bu turnir dünya çempionatı ilə eyni vaxta düşdüyündən Azərbaycan Şahmat Federasiyası danışıq apararaq Vüqarın yığmamızda oynamasına icazə almışdı.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib