Ankarada keçirilən boks üzrə Avropa çempionatının final mərhələsində Azərbaycan milli komandasının 2 üzvü mübarizə aparacaq. Apasport.az saytının məlumatına görə, Salman Əlizadənin (49 kq) ardınca daha bir boksçumuz – Teymur Məmmədov da həlledici görüşə vəsiqə qazanıb.

91 kq çəki dərəcəsində mübarizə aparan həmyerlimiz Almaniya təmsilçisi Yohann Vitti mübarizədən kənarlaşdırıb – 18:12.
Milli komandamızın üzvü finalda türk Bəhram Müzəffəri məğlub edən bolqarıstanlı Tervel Pulevlə üz-üzə gələcək. 1983-cü ildə anadan olan Pulev Moskvada keçirilmiş son Avropa çempionatında yalnız finalda rusiyalı Artur Beterbiyevə uduzaraq, gümüş medal qazanmışdı. Final görüşləri bu gün baş tutacaq.

Qeyd edək ki, Azərbaycan yığmasının heyətində artıq 1 bürünc medal var. Bu medalı isə komandamıza Heybətulla Hacəliyev (64 kq) qazandırıb.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib