Olimpiya çempionu Elnur Məmmədli (81 kq) ilə dünya və Avropa çempionatlarının mükafatçısı Elxan Məmmədov (90 kq) London Yay Olimpiya Oyunlarına vəsiqəni bir müddət əvvəl özlərinə təmin ediblər. Digər 3 cüdoçumuz İlqar Müşkiyev (60 kq), Tərlan Kərimov (66 kq) və Kifayət Qasımovanın (57 kq) qazandığı xallar da, hazırda onları “dördlük”də iştiraka imkan verir.

Apasport.az saytının məlumatına görə, əgər Ramilə Yusubova (63 kq) ilə Elmar Qasımov (100 kq) uğurlarını bundan sonra da davam etdirsələr, yekunda lisenziyaların sayı 7-yə yüksələcək. Bu isə, cüdoda rekord deməkdir.

Qeyd edək ki, müstəqil ölkə kimi qatıldığımız oyunlarda, bu növdə ən yaxşı göstəricimiz Pekin Olimpiadasına aiddir. Çin paytaxtında Ağayar Axunzadənin komandası 6 idmançı ilə çıxış etmişdi.

Atlanta-1996. 2 cüdoçu - Nazim Hüseynov (60 kq), Zülfiyyə Hüseynova (57 kq);
Sidney-2000. 4 cüdoçu - Elçin İsmayılov (60 kq), Mehman Əzizov (81 kq), Rəsul Səlimov (90 kq), Zülfiyyə Hüseynova (57 kq);
Afina-2004. 3 cüdo - Elçin İsmayılov (66 kq, Mehman Əzizov (81 kq), Mövlud Mirəliyev (100 kq);
Pekin-2008. 6 cüdo – Ramil Qasımov (66 kq), Elnur Məmmədli (73 kq), Mehman Əzizov (81 kq), Elxan Məmmədov (90 kq), Mövlud Mirəliyev (100 kq), Kifayət Qasımova (57 kq)

Kamran HACI

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək