Azərbaycan Boks Federasiyasının (ABF) prezidenti Kəmaləddin Heydərov Türkiyənin paytaxtı Ankarada keçirilən Avropa çempionatında uğurla çıxış etmiş idmançılarla görüşüb. Apasport.az saytının xəbərinə görə, federasiya prezidenti dövlət başçısı İlham Əliyev tərəfindən ölkəmizdə idmana və olimpiya hərəkatına xüsusi diqqət yetirildiyini deyərək, bunun nəticəsində bütün idman növlərində böyük uğurların əldə edildiyini bildirib: “Komandamız Avropa çempionatında uğurla çıxış etdi. Medal qazanan boksçularla yanaşı, ilkin mərhələdə uduzanlar da pis təsir bağışlamadılar. Sentyabrda Bakıda lisenziya xarakterli dünya çempionatı keçiriləcək. İndi əsas məqsəd həmin yarışa yaxşı hazırlaşmaq və London Olimpiadasına mümkün qədər çox vəsiqə qazanmaq olacaq”.
ABF-nin vitse-prezidenti Süleyman Mikayılov boksçulara göstərilən qayğıya görə, federasiya rəhbərinə təşəkkür edib. ABF-nin birinci vitse-prezidenti Ağacan Abiyev təkcə böyüklərdən ibarət komandada deyil, aşağı yaş qruplarında da yüksək nailiyyətlər əldə edildiyini xatırladıb.
Avropa çempionatının qalibləri Salman Əlizadə, Teymur Məmmədov, bürünc mükafatçı Heybətulla Hacəliyev, milli komandanın çalışdırıcıları və şəxsi məşqçilərə pul mükafatları təqdim olunub.

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək