Azərbaycan milli komandasını Türkiyəyə dəyişən sprinter Ramil Quliyevin London-2012-də iştirak etmək üçün vətənə qayıda bilər. Bu barədə məlumatı apasport.az saytına atletika yığmamızın baş məşqçisi Məhərrəm Sultanzadə verib.

Onun sözlərinə görə, ötən ay Quliyevin şəxsi məşqçisi Oleq Muxinə rəsmi müraciət olunsa da, hələ cavab alınmayıb. Çünki Muxin bu məsələni Bakıda həll etmək istəyir.

Sultanzadə bildirib ki, 2013-cü ilədək “ay-ulduzlu” formanı geyinə bilməyəcək Ramilin bu 2 ildə ölkəmiz adından çıxış edib-etməyəcəyinə avqustun sonunda tam aydınlıq gələcək: “Muxin müraciətimizin Bakıda həll olunmasını istədi. O, bu ayın sonlarında məzuniyyətə çıxacaq. Şəxsi işləri və Ramilin məsələsini həll etmək üçün paytaxtımıza gələcək. Həmin vaxt onunla rəsmi görüş olacaq. Federasiya rəhbərliyi idmançı ilə bağlı təkliflərini verəcək və onun üçün hər cür şərait yaradılacaq. Burada yəqin ki, yekun qərar veriləcək”.

Qeyd edək ki, Quliyev Azərbaycan yığmasına qayıtmasa, nəinki Türkiyə, heç bir ölkənin adından çıxış edə bilməyəcək. Bu isə onun London-2012-ni boşa verməsi ilə nəticələnəcək.

• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib
• Azərbaycanda ilk dəfə paraüzgüçülük üzrə ölkə çempionatı keçirilib