Rusiyanın Xanti-Maysiysk şəhərində keçirilən şahmat üzrə Dünya Kubokunda 1/4 final mərhələsinin ikinci oyunları keçirilib. Apasport.az saytının məlumatına görə, bu görüşlər Azərbaycan yığmasının üzvləri Teymur Rəcəbov və Vüqar Həşimov üçün fərqli nəticələrlə başa çatıb.

Ağ fiqurlarla oynayan Vüqar Ukrayna milli komandasının heyətində Olimpiadanın qalibi olan Ruslan Ponomaryovla görüşdə gözlənilmədən məğlub olub. Ağlarla bütün oyunlarda qalib gələn şahmatçımız qara fiqurlarla heç-heçə etdiyi rəqibə uduzaraq mübarizəni dayandırıb – 0,5:1,5.

Həşimovdan fərqli, Rəcəbov digər ukraynalı Olimpiya çempionu Vasili İvançukla görüşdə tarazlığı bərpa edib. İlk oyunu uduzan həmyerlimiz cavab matçında udaraq qarşılaşmanı tay-brekə daşıyıb. Rəcəbovun yarımfinal şansına bu gün aydınlıq gələcək.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb