2009-cu ildən başlayaraq AİBA zəif inkişaf etmiş ölkələrin boksçularını öz hesabına dünya çempionatında iştirakını təmin edir. Apasport.az saytının məlumatına görə, bu dəfə də Beynəlxalq Boks Federasiyası “Road to Baku” – “Bakıya yol” adlı proqram təşkil edib.

Sentyabrın 9-dan etibarən 28 ölkədən olan 48 boksçu və 20 məşqçi Lənkəran Regional Boks Mərkəzində təlim-məşq toplanışı keçirlər. Toplanışa WSB liqasında “Pohang Poseidons” komandasına rəhbərlik etmiş Mars Kuçkaryov başçılıq edir. Azərbaycan Boks Federasiyası (ABF) “Road to Baku” proqramının yüksək səviyyədə keçməsi üçün Lənkəranda idmançılara hər bir şərait yaradıb. Yerli mütəxəssislərdən Salam Bağırov və Elnur Hacıyev də məşq prosesinə cəlb olunublar. Gündə 2 məşq keçən boksçuların toplanışı sentyabrın 22-ə kimi davam edəcək.

“Road to Baku” proqramında Baham, Latviya, Benin, Litva, Boliviya, Myanmar, Burkina Faso, Kambociya, Nauru, Kayman adaları, Nikaraqua, Dominikan, Niger, El Salvador, Panama, Qambiya, Sent-Lusiya, Qana, Sent-Vinsent və Qrenadina, Seneqal, Qvatemala, Şri Lanka, Kot-d-İvuar, Yamayka, Svazilend, Tacikistan, Qırğızıstan və Tonqadan olan boksçular yer alıb.

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib