Avro-2012-nin seçmə mərhələsində Azərbaycan milli komandasının rəqibi olan Avstriya yığması növbəti itki ilə üzləşib. Apasport.az saytının məlumatına görə, mərkəzi avropalılar oktyabrın 7-də millimiz, 4 gün sonra Qazaxıstanla oyunlarda Mark Yankonun da xidmətindən yararlana bilməyəcək.

Avstriya mətbuatı Hollandiya “Tvente”sində çıxış edən hücumçunun zədələnməsini şok kimi dəyərləndirib. Yanko baş məşqçi əvəzi Villi Ruttensteynerin komandasında 5-ci ciddi itki olub. Söhbət mütəxəssisin açıqladığı heyətdən kənar düşənlərdən gedir. Marka qədər Emanuel Poqatets, Martin Harnik, Frans Şiemer və Yakob Yantçer də millidən kənar düşmüşdü.

Lakin digərlərindən fərqli, Yanko Bakıya gəlmək niyyətindədir. O, oyuna qədər komanda ilə olmağı, onları yanlarında olması ilə ruhlandırmağı vacib sayır.

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu