Bakıda keçirilən boks üzrə dünya çempionatında 2012-ci ildə keçiriləcək London Yay Olimpiya Oyunlarına lisenziya qazanan 72 idmançının adı dəqiqləşib. Apasport.az saytının məlumatına görə, 31 ölkənin boksçusu bu uğura sevinib.

Olimpiadaya ən çox lisenziyanı Ukrayna milli komandası qazanıb. Onların 6 boksçusu dünya çempionatında bu hüquqa yiyələnib. Qazaxıstan və Rusiya 5, Azərbaycan, Kuba, İngiltərə, Hindistan və Özbəkistan isə 4 lisenziyaya sahib olub.

London Olimpiadasına lisenziya qazanan ölkələrin siyahısı

Ukrayna – 6
Qazaxıstan, Rusiya – 5
Azərbaycan, Kuba, İngiltərə, Hindistan, Özbəkistan – 4
Çin, İrlandiya, İtaliya, ABŞ – 3
Braziliya, Macarıstan, Koreya, Monqolustan, Uels – 2
Ermənistan, Avstraliya, Belarus, Bolqarıstan, Almaniya, İran, Yaponiya, Litva, Moldova, Rumıniya, Serbiya, İspaniya, Tacikistan, Tailand – 1.

Qeyd edək ki, Olimpiya oyunlarına lisenziya qazanan daha 20 boksçu isə yarımfinal görüşlərindən sonra məlum olacaq.
Azərbaycanın isə boksda artıq 5 lisenziyası (Elvin Məmişzadə (52 kq), Heybətulla Hacəliyev (64 kq), Soltan Migitinov (75 kq), Teymur Məmmədov (91 kq) və Məhəmmədrəsul Məcidov (+91 kq)) var. WSB liqasından Soltan Migitinov lisenziya qazanıb. Bu yarışda digər lisenziyaları Qazaxıstan, Fransa, Əlcəzair və İtaliya boksçuları əldə ediblər.

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu