“Hakimin xəbərdarlığından sonra hesab bərabərləşdi və döyüş daha gərgin hal almağa başladı. Əslində Bolqarıstan boksçusu məni əli ilə tuturdu. Yəni burda mənim elə bir günahım olmadı”. Apasport.az saytının məlumatına görə, bunu Azərbaycan milli komandasının boksçusu Tamerlan Abdullayev (69 kq) deyib.

Avropa Olimpiya təsnifat turnirində ilk qələbəsini qazanan Tamerlan Abdullayev az qala hakimlərin qurbanı olacaqdı. Bolqarıstanlı Simeon Çxamovla görüşdə referinin xəbərdarlığı rəqibə 2 xal gətirib. Lakin sonda sevinən tərəf yenə həmyerlimiz olub: “Olimpiadaya vəsiqə qazanmaq üçün daha 2 görüşdə qalib gəlməliyəm. Bu Olimpiadaya getmək üçün son yarışdır. Odur ki, bütün gücümü qoyub qələbə qazanmağa çalışacam”.

Abdullayevin Trabzon turnirindəki növbəti rəqibi irlandiyalı Adam Nolan olacaq: “Bu boksçu ilə Ukraynada təlim-məşq toplanışından tanışam. Amma rəsmi yarışlarda hələ ki qarşılaşmamışıq. Bununla belə, hər ikimiz bir-birimizi yaxşı tanıyırıq. Çətin döyüş olacaq”.

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək