Çinin paytaxtı Pekində keçiriləcək ənənəvi “SportAccord” Dünya İntellektual Oyunlarında mübarizə aparacaq şahmatçıların adları açıqlanıb. Apasport.az saytının məlumatına görə, yarışa 16 dünya səviyyəli kişi zəka sahibi qatılacaq ki, onlardan da 2-si Azərbaycanı təmsil edəcək.

Turnirdə ötən illə müqayisədə ölkəmizin idman şərəfini qoruyacaq şahmatçıların siyahısında dəyişiklik olub. 2011-ci ildə yarışda Şəhriyar Məmmədyarovla Vüqar Həşimov iştirak etmişdisə, bu il ikinci həmyerlimiz Asiyaya yollanmayacaq. Onun əvəzinə Çində gücünü Teymur Rəcəbov yoxlayacaq.

“SportAccord” Dünya İntellektual Oyunları dekabrın 12-də başlayıb, 8 gün davam edəcək.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib