Komanda idman növlərində kim güclüdür?

17.08.2012 - 14:04

Yeni başa çatan London Yay Olimpiya Oyunlarında 302 dəst medal sahibini tapıb. Lakin bu dəstlərin 12-də medalların sayı daha çoxdur. Apasport.az saytının məlumatına görə, komanda idman növləri üzrə 12 yarışın mükafatları da Londonda müəyyənləşib. Belə ki, 6 idman növü üzrə kişilər və qadınlar yarışıb.

Bu yarışlarda 1 dəst medal 10 nəfərdən də çox olan komanda üzvlərinə verilir. Azərbaycan London Olimpiadasında belə növlərdə təmsil olunmasa da hansı ölkənin komandalarının güclü olması maraq doğurur. Komandada daha çox duet olan çimərlik voleybolunu nəzərə almamaqla isə 12 yarışda 20 ölkə təmsilçiləri medal qazanıb. Ən ayxşı komandalar isə ABŞ-dadır. Basketbolda “Qızıl dubl” edən amerikalılar 12 yarışın 4-də çempion olub. Medal sıralamasına 4 qızıl kimi daxil olan bu medallar reallıqda 60-ya yaxın idmançının boynuna asılan mükafat olub.

növ	cins	Qızıl	Gümüş	Bürünc
Basketbol	Kişilər	ABŞ	İspaniya	Rusiya
	Qadınlar	ABŞ	Fransa	Avstraliya
Futbol	Kişilər	Meksika	Braziliya	Cənubi Koreya
	Qadınlar	ABŞ	Yaponiya	Kanada
Həndbol	Kişilər	Fransa	İsveç	Xorvatiya
	Qadınlar	Norveç	Çernoqoriya	İspaniya
Otüstü hokkey	Kişilər	Almaniya	Hollandiya	Avstraliya
	Qadınlar	Hollandiya	Argentina	Böyük Britaniya
Voleybol	Kişilər	Rusiya	Braziliya	İtaliya
	Qadınlar	Braziliya	ABŞ	Yaponiya
Su polosu	Kişilər	Xorvatiya	İtaliya	Serbiya
	Qadınlar	ABŞ	İspaniya	Avstraliya

yer	Ölkə	Qızıl	Gümüş	Bürünc	Cəmi
1	ABŞ	4	1	-	5
2	Braziliya	1	2	-	3
3-4	Fransa	1	1	-	2
	Hollandiya	1	1	-	2
5-6	Xorvatiya	1	-	1	2
	Rusiya	1	-	1	2
7-9	Almaniya	1	-	-	1
	Meksika	1	-	-	1
	Norveç	1	-	-	1
10	İspaniya	-	2	1	3
11-12	İtaliya	-	1	1	2
	Yaponiya	-	1	1	2
13-15	Argentina	-	1	-	1
	Çernoqoriya	-	1	-	1
	İsveç	-	1	-	1
16	Avstraliya	-	-	3	3
17-20	Böyük Britaniya	-	-	1	1
	Cənubi Koreya	-	-	1	1
	Kanada	-	-	1	1
	Serbiya	-	-	1	1