Rumıniyanın paytaxtı Buxarestdə keçirilən yeniyetmələr arasında X Avropa birinciliyi bu gün başa çatıb. Apasport.az saytının məlumatına görə, yarışdakı Azərbaycan yığmasının sonununcu idmançısı – Azər Məmmədli (+94 kq) podiuma çıxıb.

Birdən qaldırma hərəkətinə 145 kq-la başlayıb, onu uğurla qaldıran atletimiz sonra sifariş verdiyi 151 kq-ı 2 cəhddə ram edə bilməyib. Nəticədə o bu hərəkəti 4-cü pillədə başa vurub.

Təkanla qaldırma hərəkəti isə tam uğursuzluqla nəticələnib. Azər əvvəlcə 187 kq-lıq ağırlıqı qaldıra bilməyib. Daha sonra 188 kq sifariş verərək nəticəsini yaxşılaşdırmaq istəsə də, 2 iki cəhd də uğursuz alınıb. Məmmədli bu səbəbdən Avropa çempionatında yer tuta bilməyib.

Buna baxmayaraq, Azərbaycan yığmasının Avropa çempionatındakı çıxışını qənaətbəxş hesab etmək olar. “Zirvə” İdman Klubunun 2 yetirməsi – Valeh Baxşəlizadə qızıl və Elxan Əliquluzadə isə bürünc medal qazanaraq, bayrağımızın yüksəlməsini təmin edib.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb