Azərbaycan XIV London Yay Paralimpiya Oyunlarında daha bir medal qazanıb. Apasport.az saytının məlumatına görə, millimizin heyətində bu dəfə Hüseyn Həsənov fəxri kürsüyə yüksəlib.

25 yaşlı atletimiz uzunluğa tullanma növündə 3-cü yeri tutub. Onun 6 cəhdindən ən yaxşı nəticəsi 6,53 m olub. O, buna 2-ci tullanışda imza atıb. Həmyerlimizi qızıldan 62, gümüşdən 60 sm ayırıb. Belə ki, Həsənovu Fulianq Liu və fransalı Arnauld Assuomani qabaqlayıblar.

Bununla da, Londonda qazandığımız medalların sayı 4-ə yüksəlib. Hüseyndən öncə cüdoçularımız Ramin İbrahimovla (60 kq) Afaq Sultanova qızıl, İlham Zəkiyev (+100 kq) bürünc medala sahib olmuşdu.

Qeyd edək ki, Paralimpiadaya sentyabrın 9-da yekun vurulacaq.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı