Kiyev “Dinamo”sunun baş məşqçisi Oleq Bloxin xəstəxanaya düşüb. Apasport.az saytının məlumatına görə, Ukrayna yığmasını da çalışdıran 59 yaşlı mütəxəssisin qan təzyiqi artıb. O, bu səbəbdən yaxın bir həftəni həkim nəzarətində keçirəcək. Nəticədə Bloxin XI turda “Dnepr”lə səfər oyununda iştirak edə bilməyəcək. “Dinamo” həmin oyunda uduzarsa, 2-ci pilləni rəqibinə verəcək.

Bloxinin 2014-cü il dünya çempionatının seçmə mərhələsində oktyabrın 12-də Moldova, 16-da Çernoqoriya ilə matçlarda iştirakı da sual altındadır. Bu oyunlar müvafiq olaraq Kişinyovla Kiyevdə keçiriləcək və çalışdırıcının yığmada sonuncu matçlar olacaq. O, bundan sonra bütün diqqətini yaxında baş məşqçisi təyin olunduğu “Dinamo”ya yönəldəcək.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib