DÇ-2014-ün seçmə mərhələsində Azərbaycan milli komandasının rəqibi olan Portuqaliya yığmasının futbolçusu Joao Moutinyonun qarşıdakı 2 matçda oynayıb-oynamamasına bu gün aydınlıq gələcək. Apasport.az saytının məlumatına görə, “Porto” klubunun üzvü milli oyunçuları bir araya gəldikdən sonra təkrar müayinə olunaraq yekun qərar veriləcək.

Bu gün axşam Bakı vaxtı ilə saat 19:00-da Obiduşdakı “Praia Del Rey” otelinə toplaşacaq Portuqaliya yığmasının futbolçuları elə bu gün ilk məşqə çıxacaq. Joaonun martın 22-də İsraildə, 4 gün sonra Azərbaycanda baş tutacaq seçmə oyunlarında iştirakı ilə bağlı məsələ də bu hazırlığa qatılıb-qatılmamasından asılı olacaq.

Qeyd edək ki, səfərə çıxmazdan 4 məşq edəcək pireneylilərin yalnız bugünkü məşqi KİV nümayəndələri üçün açıq olacaq.

• İdman dırmanması üzrə Azərbaycan çempionatı keçiriləcək
• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb