Avropa çempionatında iştirak edəcək Azərbaycan güləşçiləri Gürcüstanda mərhum prezident Heydər Əliyevin abidəsini ziyarət ediblər. Apasport.az saytının Gürcüstana ezam olunmuş əməkdaşının məlumatına görə, Güləş Federasiyasının I vitse-prezidenti Namiq Əliyev başda olmaqla, qurum rəsmiləri, sərbəst və qadın güləşi üzrə milli komandalarımızın məşqçilər heyəti və üzvləri Tiflisdə Heydər Əliyevin xatirəsini yad ediblər.

Onlar mərhum prezidentin xatirəsinə ucaldılan abidəni ziyarət edərək, önünə əklil və gül dəstələri düzüblər. Azərbaycan nümayəndə heyəti ziyarətdən sonra xatirə şəkli çəkdirib.

Qeyd edək ki, Avropa çempionatı martın 19-24-də Tiflisdə keçiriləcək.

• İdman dırmanması üzrə Azərbaycan çempionatı keçiriləcək
• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb