“Mən Gürcüstana Avropa çempionu olmaq üçün gəlmişdim. Lakin qismət bürünc medal oldu”. Bunu apasport.az saytının Tiflisə ezam olunmuş əməkdaşına açıqlamasında Azərbaycan güləşçisi Yaşar Əliyev deyib.

Sərbəst güləş üzrə 55 kq çəki dərəcəsində mübarizə aparan pəhləvanımız Gürcüstanda keçirilən Avropa çempionatında bürünc medal qazanıb. Əliyev bildirib ki, fəxri kürsünün üçüncü pilləsində yer almaq planına daxil deyilmiş: “Mən yalnız qızıl medal istəyirdim. Buna psixoloji və fiziki cəhətdən də hazır idim. Amma alınmadı. İlk görüşdə uduzduğum gürcüstanlı güləşçi ilə müqayisədə rusiyalı rəqibim güclü idi. Lakin bürünc medal uğrunda döyüşdə ondan güclü oldum”.

Qeyd edək ki, Avropa çempionatının ilk günündə Azərbaycan güləşçilərindən Patimat Baqomedova (48 kq) da bürünc medal qazanmışdı.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib