“Mən necə oldusa nəzəriyyəni unutdum. Bu variantı çox oynamışam, amma belə gedişlə yox”. Apasport.az saytının məlumatına görə, bu sözləri Azərbaycan şahmatçısı Teymur Rəcəbov deyib.

Londonda keçirilən iddiaçıların turnirində uğursuz çıxış edən həmyerlimiz 11-ci turun Vladimir Kramniklə oyunundan sonra qısa açıqlama verib. Rəcəbov tez-tez seytnota düşməsinə də aydınlıq gətirib: “Niyə seytnota düşürəm? Bu haqda düşünürəm... Mən indi variantları çox pis hesablayıram. Buna görə də məqbul davamı tapmağa çox vaxt sərf edirəm. Əlbəttə daha sürətli oynamaq istəyirəm. Lakin bunu bacarmıram. Problemim aşkardır. Amma hələlik bununla heç nə edə bilmirəm”.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib