Ötən ay Tiflisdə keçirilən güləş üzrə Avropa çempionatının qalibi olan ukraynalı Pavel Oleynik üçün azərbaycanlı rəqibinin mübarizəni erkən dayandırması gözlənilməz olub. Apasport.az saytının məlumatına görə, sərbəst üsulla güləşin 96 kq çəki dərəcəsində favoritlərdən olan təmsilçimiz Xetaq Qazyumovun hələ 1/4 finalda uduzması gələcək çempionu təəccübləndirib.

Ukrayna mətbuatına müsahibə verən Oleynik rusiyalı Vladislav Baytsayevə məğlub olan güləşçimizin yenilgisinin səbəbini də izah edib: “Açığını deyim ki, azərbaycanlı güləşçinin qalib gələcəyini düşünürdüm. Lakin Baytsayev də güclü rəqibdir. Rusiya yığmasında zəif güləşçi yoxdur. Qazyumovla görüşdə gənclik də onun tərəfində idi. Xetaq karyerasının qürub çağını yaşayır. Yeni nəsil artıq liderlərə çatmaqdadır. Məncə, bu görüşdə də gənclik təcrübə üzərində qələbə qazandı”.

Qeyd edək ki, Oleynik ilk dəfə qitə çempionu olub.

• Xəyal etdi, inandı, qazandı — “Sürətlə Yeni Mövsümə” lotereyasının "Changan Q07" qalibi danışdı - VİDEO
• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib