Bu gün Tümendə cüdo üzrə “World Masters” turnirinə start verilib. Apasport.az saytının məlumatına görə, yarışın ilk günündə Azərbaycan millisinin 4 idmançısı tatamiyə çıxıb. 1/8 finaldan mübarizəya başlayan cüdoçularımızın hamısı birinci görüşündəcə məğlub olublar. Onlardan 3-ü isə ipponla uduzub.

60 kq
İlqar Müşkiyev ilk görüşünü Felipe Kitadaya (Braziliya) qarşı keçirib. Təəssüf ki, təmsilçimizin debütü uğurlu alınmayıb. O, 119-cu saniyədə ipponla məğlub olub.

66 kq
Bu çəki dərəcəsində ölkəmiz 2 idmançı ilə təmsil olunub. Həmyerlilərimizdən ilk olaraq, tatamiyə çıxan Tərlan Kərimov Müşkiyev kimi məğlubiyyətə üzülüb. O, monqolustanlı Tumurxuleq Davaadorjla bacarmayıb.

Nicat Şıxəlizadə də komandamıza ilk qələbə sevincini yaşada bilməyib. Təmsilçimiz Müşkiyev və Kərimov kimi ipponla uduzub. O, Sergey Limlə (Qazaxıstan) dueldən məğlub ayrılıb.

73 kq
Komandamızın perspektivli üzvü Rüstəm Orucovun da 1/8 final görüşünü çətin keçib. Cüdoçumuz startdaca güclü monqolustanlı Odbayar Qanbaatarla qarşılaşıb. Orucov ippona düşməsə də, 5 dəqiqənin tamamında rəqibi güclü olub.

Beləliklə, yarışın ilk günü Azərbaycan millisi üçün fiasko ilə başa çatıb.

Qeyd edək ki, ağır çəkili təmsilçilərimizdən Şahin Qəhrəmanov (90 kq) Şohey Şimovadayla (Yaponiya), Elmar Qasımov Daysuke Kobayaşi (Monqolustan), Elxan Məmmədov (hər ikisi 100 kq) Renan Nuneslə (Braziliya) üz-üzə gələcək. Onlar mübarizəyə sabah qoşulacaqlar.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib