Mayın 31-dən iyunun 2-dək Avstriyanın Getsiz şəhərində qadın güləşi üzrə XV beynəlxalq turnir keçiriləcək. Apasport.az saytının məlumatına görə, Azərbaycan yığması nəzərdə tutulan təqvim planına əsasən həmin yarışda çıxış edəcək.

Daha sonra komandamızın üzvləri, turnirdə iştirak edən yığma komandaların iştirakı ilə keçirilən beynəlxalq təlim-məşq toplanışına qatılacaq.

Baş məşqçi Yaqub Məmmədov və məşqçi Aslan Ağayevin rəhbərliyi altında turnirdə və hazırlıqda ölkəmizi Şəfəq Muradzadə (48 kq), Anjela Doroqan (51 kq), İrina Netreba (59 kq), Yuliya Ratkeviç (59 kq, ehtiyat), Anna Belyayeva (63 kq), Natalya Palamarçuk (67 kq) və Dina İvanova (72 kq) təmsil edəcək.

Qeyd edək ki, yarışda beynəlxalq dərəcəli hakimimiz Sədi Quliyev də ədaləti qoruyacaq.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib