Rusiyanın Sankt-Peterburq şəhərində 2014-cü il Qış Olimpiya Oyunlarının qaliblərinə veriləcək medalların təqdimat mərasimi keçirilib. Apasport.az saytının məlumatına görə, tədbirdə “Soçi-2014” Təşkilat Komitəsinin sədri Dmitri Çernışenko ilə Olimpiya çempionu Svetlana Jurova iştirak edib.

Medallar əyarından asılı olaraq, 460 qramdan 531 qrama qədər dəyişir. Medalın üz tərəfində Olimpiya həlqələri, arxasında yarışın növünün ingilis dilində adı və turnirin emblemi göstərilib. Martın 9-dan 16-dək çıxış edəcək paralampiadaçıların mükafatları demək olar olimpiyaçılardan fərqlənməyəcək.

Qeyd edək ki, gələn ilin fevralın 2-dən 23-dək keçiriləcək Olimpiadada 15 idman növündə 98 komplekt medal oynanılacaq. Ümumiyyətlə isə 1300 medal hazırlanıb. Qızıl medallar üçün 3 kiloqram təmiz qızıl gedəcək.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb