“Şəhriyarla oynamaq çox çətin idi”. Apasport.az saytının məlumatına görə, bu sözləri rusiyalı şahmatçı Aleksandr Qrişuk deyib.

Çinin paytaxtı Pekində keçirilən Qran-Prinin V mərhələsinin V turunda Azərbaycan təmsilçisi Şəhriyar Məmmədyarovu məğlub edən qrossmeyster qarşılaşma haqda fikirlərini açıqlayıb.

Qrişuk 6 yaşlı qızı, artıq şahmat üzrə III dərəcəsi olan Maşa üzündən çətinliklə üzləşib. Şahmatçı bunu təbəssümlə qeyd edib: “Çünki mənim qızım ona vurulub. Düşünürəm ki, gizlicə Şəhriyara azarkeşlik edir. Mənə azarkeşlik etdiyini deyir. Lakin gözlərindən görürəm ki, belə deyil. Oyuna gəlincə isə görüş çox çətin alındı. Böyük üstünlüyə çox erkən yiyələnmədim”.

Qeyd edək ki. Qrişuk bu qələbədən sonra 2-ci pilləni Məmmədyarovdan ala bilib.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb