“Fikrimcə, evlənmək mənə düşdü. Axı, ailə müsbət aura və şahmatda qələbələr üçün çox vacibdir”. Apasport.az saytının məlumatına görə, bunu azərbaycanlı qrossmeyster Şəhriyar Məmmədyarov deyib.

Həmyerlimiz Rusiyanın chesspro.ru portalına verdiyi müsahibəsində şahmatla yanaşı, ailəsindən də danışıb. Məmmədyarovun sözlərinə görə, həyat yoldaşı yarışların hamısında talisman kimi yanında olmur: “Hazırkı vəziyyətdə startın məsuliyyəti xüsusi rol oynamır. Mən əsas turnirlərə menecerim Rüstəm Nəcəfovla getməyi sevirəm. Bəli, zaldan özününkülərin dəstəyini hiss etmək xoşdur. Özümü yetərincə xoşbəxt, bəxtli insan sayıram. Həyatımdan razıyam. Sifətimdəki təbəssüm xoşbəxt olmağımdan irəli gəlir”.

O, komanda yoldaşı Teymur Rəcəbovun son yarışlarda zəif çıxışına da münasibət bildirib: “Əlbəttə, Teymurun bu il qəfil enişinə çox təəccübləndim. Ancaq buna izahım yoxdur. Yəqin ki, bu, adi geriləmədir. Həmin hadisə hər bir idmançıda olur. Fikrimcə, Teymurda tezliklə şahmat planında hər şey yaxşı olacaq”.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb