1/8 final mərhələsi başa çatdı

12.03.2022 - 00:24

Yeniyetmə boksçular arasında Azərbaycan birinciliyi davam edir.

Apasport.az saytının məlumatına görə, yarışın dördüncü günündə keçirilən 48 döyüşlə 1/8 final mərhələsinə yekun vurulub.

Gərgin keçən görüşlərdən sonra daha 6 – 46 kq, 54 kq, 57 kq, 63 kq, 70 kq və +80 kq çəki dərəcələrində 1/4 finala yüksələn idmançılar bəlli olub.

Boksçular yarımfinal uğrunda döyüşlərə bu gün çıxacaqlar. Bakı Boks Mərkəzində baş tutacaq 1/4 final mərhələsinə saat 13:00-da start veriləcək.

Qeyd edək ki, birinciliyə respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 63 komandanın 327 boksçusu qatılıb. Yarışın qaliblərinin adları isə martın 14-də bəlli olacaq.