Avropa Cüdo İttifaqının (ACİ) prezidenti vəzifəsində dəyişiklik olub.

Apasport.az saytının məlumatına görə, qurumun prezidenti Sergey Soloveyçik ACİ-nin İcraiyyə Komitəsinin növbədənkənar iclasında istefa verib.

Onun təklifindən sonra 67 yaşlı vitse-prezident Otto Kneytinger yekdilliklə müvəqqəti olaraq ACİ-nin prezidenti vəzifəsinə seçilib. 74 yaşlı funksioner istefasını Rusiya ilə Ukrayna arasındakı hərbi gərginliklə əlaqələndirib.

Buna qədər Beynəlxalq Cüdo Federasiyası (IJF) Ukrayna hadisələri ilə əlaqədar Rusiya prezidenti Vladimir Putinin qurumun fəxri prezidenti səlahiyyətlərinə xitam verib. IJF həmçinin Kazanda keçirilən “Böyük dəbilqə” turnirini ləğv edib.

Qeyd edək ki, rusiyalı Sergey Soloveyçik 2007-ci ildən bu vəzifəni icra edirdi.
 

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb