Fevralın 17-19-da Tel-Əvivdə cüdo üzrə “Böyük Dəbilqə” turniri keçiriləcək. Apasport.az saytının məlumatına görə, yarışda Azərbaycan millisi 11 idmançı ilə təmsil olunacaq. 

Məşqçilər korpusu turnirdə Kəramət Hüseynov, Balabəy Ağayev (hər ikisi 60 kq), Yaşar Nəcəfov (66 kq), Rüstəm Orucov, Hidayət Heydərov (hər ikisi 73 kq), Murad Fətiyev (81 kq), Məmmədəli Mehdiyev, Rüfət İsmayılov (hər ikisi 90 kq), Zelym Kotsoyev, Elmar Qasımov (hər ikisi 100 kq) və Uşangi Kokauriyə (+100 kq) şans verəcək. 

Komandamız bu gün səfərə yollanıb. 

Qeyd edək ki, “Böyük Dəbilqə”də dünyanın 34 ölkəsindən 309 idmançının qatılacağı gözlənilir. 

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb