AFFA-nın təşkilatçılığı, “Xudat City” Futbol Akademiyasının dəstəyi ilə D kateqoriyalı məşqçi kurslarına start verilib.

Apasport.az qurumun mətbuat xidmətinə istinadən xəbər verir ki, Xaçmaz rayonu, Xudat şəhərində təşkil edilən kursa 25 nəfər cəlb olunub.

AFFA-nın Kütləvi Futbol Departamentinin rəhbəri Fərrux İsmayılov və mütəxəssis Orxan Mikayıllı iştirakçılara kursun mahiyyəti haqqında ümumi məlumat verib, onlara uğurlar arzulayıblar. Kursun ilk günündə AFFA-nın məşqçi kurslarının təlimatçıları İlham Əzizzadə, Dəyanət Əliyev və Fərrux İsmayılov tərəfindən iştirakçılara ilkin futbol bilikləri haqqında məlumatlar verilib.

Qeyd edək ki, kurs 3 gün davam edəcək.

• Premyer Liqanın bombardiri: "Ölkənin iki ən yaxşı komandasının oyunu olacaq"
• "Qarabağ”ın pley-off mərhələsinə düşəcəyinə inanmayan bizdən deyil"
• "Difai"dən əzmkar geridönüş, "Qəbələ” liderliyə yüksəldi, - YENİLƏNİB
• Tarik Elyunussi: "Qarabağ" qalib gələ bilər, "Lion"un problemləri var"
• "Qarabağ" azarkeşlərini kədərləndirən xəbər : Juninyonu izləməyə gəlirlər