Uzun illərdən sonra Premyer Liqaya qayıdan "Karvan" heyətini daha bir futbolçu ilə gücləndirəcək.

Apasport.az saytına verilən məlumata görə, ötən mövsümə qədər “Araz-Naxçıvan”ın kapitanı olmuş Vadim Abdullayev komanda ilə razılaşma əldə edib.

30 yaşlı futbolçuya fərqli klublardan təklif olsa da, o, “Karvan”a üstünlük verib. 

Azərbaycan millisində də 1 oyun keçirmiş Abdullayev Yevlax təmsilçisindən gələn 1 illik müqavilə təklifini qəbul edib. Yaxın günlərdə rəsmi müqavilənin imzalanacağı gözlənilir.

Xatırladaq ki, Vadim Abdullayev daha əvvəl “Bakı”, “Simurq”, “Qəbələ”, “Sumqayıt”, “Şüvəlan” və “Sabah” kimi klubların formasını geyinib.

Qeyd edək ki, "Karvan" bundan əvvəl Süleyman Əhmədov və Samir Abdullayevin keçidini açıqlamışdı.

• “Qarabağ”ın baş məşqçisi və futbolçuları Milli Onkologiya Mərkəzinin Uşaq Klinikasını ziyarət ediblər
• Azərbaycan Kuboku: Son iki vəsiqənin sahibi müəyyənləşdi - YENİLƏNİB
• “Turan Tovuz” – “Sabah” matçının hakimləri bəlli olub
• “Kəpəz”, “İmişli”, “Şahdağ Qusar”, “Şamaxı” və “Şəfa” növbəti mərhələdə - YENİLƏNİB
• Millimiz Cəbəllütariqi məğlub edib - YENİLƏNİB