Azərbaycan Premyer Liqasının 22-ci turunda "Araz-Naxçıvan" "Neftçi"ni qəbul edib - 1:0.

Apasport.az xəbər verir ki, oyundan sonra meydan sahiblərinin çalışdırıcısı Azər Bağırovun mətbuat konfransı keçirilib. Sizi onun fikirləri ilə tanış edirik:

"Oyun mənim üçün çox maraqlı keçdi. Qol epizodlarımız oldu. Sona qədər səbrli müdafiə olunduq və istədiyimiz qolu son dəqiqələrdə tapdıq. Uşaqları təbrik edirəm. Bu qələbə, bu oyun bizə lazım idi. Futbolçular öz güclərinə inanmalı idilər. Bu qələbə ilə çox şeyi geri qaytara bildik. "Neftçi"yə gələcək oyunlarda uğurlar arzulayıram".