“Neftçi”nin futbolçusu Azər Salahlının durumuna aydınlıq gəlib.

Apasport.az saytının məlumatına görə, bunu klubun mətbuat xidməti açıqlayıb.

Konfrans Liqasının III təsnifat mərhələsi çərçivəsində avqustun 11-də keçirilmiş “Rapid” – “Neftçi” matçının ilk hissəsində zədələnərək əvəzlənən futbolçu klubun sağlamlıq sponsoru olan “Liv Bona Dea Hospital”da müayinədən keçib. Həkimlərin rəyinə görə, 28 yaşlı müdafiəçi 5-ci ayaqdarağı sümüyünün qırığı diaqnozu ilə əməliyyat olunmalıdır. 

Cərrahi əməliyyat yaxın günlərdə sağlamlıq sponsorunun xəstəxanalarının birində həyata keçiriləcək və Salahlı təxminən 3 ay ərzində meydandan kənarda qalacaq.