2024-cü ildə amputasiyalı futbolçular arasında keçiriləcək Avropa çempionatına hazırlaşan Azərbaycanın amputasiya olunmuş şəxslərdən ibarət milli komandası Ankaradakı Qazi Uyğunlaşma Mərkəzində olub.

Apasport.az xəbər verir ki, bu barədə Türkiyə Milli Müdafiə Nazirliyi rəsmi "X" hesabında məlumat paylaşıb.

Bildirilib ki, Azərbaycan və Türkiyə Silahlı Qüvvələrinin amputasiyalı futbolçulardan ibarət komandası birgə təlim-məşq toplanışı keçirib.

Qeyd edək ki, tərəflər arasında yoldaşlıq oyunu da baş tutub.