Azərbaycanın karate üzrə olimpiya mükafatçısı, ikiqat dünya və üçqat Avropa çempionu İrina Zaretskaya ilin ilk mükafatını Misirin paytaxtı Qahirədə alıb.

Apasport.az-ın xəbərinə görə, Ukraynadan olan legionerimiz ötən il Premyer Liqa turnirlərində ən yaxşı nəticə göstərdiyindən, 68 kq çəki dərəcəsində "Grand Winner" mükafatını qazanıb.

Zaretskaya artıq bu mükafatı 3-cü dəfə qazanır. Daha əvvəl o, 2017 və 2019-cu ilin nəticəsinə əsasən bu mükafata yiyələnmişdi. Həmçinin, Əminağa Quliyev (60 kq) karyerasında ilk dəfə bu mükafata layiq görülüb.

Qeyd edək ki, karatedə ilin ilk yarışı olan Qahirədəki Premyer Liqa yarışında İrina Zaretskaya bürünc medal qazanıb. Ondan başqa, digər azərbaycanlı karateçilərdən Tural Ağalarzadə (67 kq), Fərid Ağayev (75 kq), Turqut Həsənov (84 kq) və Mədinə Sadıqova (55 kq) bürünc medala sahib çıxıb. 

• Bakıda keçirilən “IRONMAN 70.3” triatlon yarışına start verilib
• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər