Polşanın paytaxtı Varşavada cüdo üzrə Avropa Açıq turniri keçirilir.

Apasport.az-ın xəbərinə görə, Azərbaycan Mərkəzi Avropadakı turnirdə 6 qadın cüdoçu ilə təmsil olunur.

Artıq bunlardan Ramilə Əliyeva (48 kq) Tereza Bodnarovaya (Çexiya), Zeynəb Məmmədova (52 kq) Səltənət Sultanbəyovaya (Qazaxıstan), Nərgiz Hacıyeva (63 kq) Şarlot fon Leupoldta (Almaniya), Diana Şoranova (63 kq) Meiv Koflana (Avstraliya) uduzaraq medalsız qalıb.

Sabah Günel Həsənli (70 kq) Cenifer Çerlauya (Macarıstan) və Aytəkin Paşazadə (78 kq) Aleksandra Turekə (Polşa) qarşı güləşəcək.

Qeyd edək ki, qadın cüdoçularımız yanvarda Portuqaliya Qran Prisində iştirak etsə də, oradan da medalsız qayıtmışdılar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”