Azərbaycan daha bir mötəbər turnirə evsahibliyi etməyə hazırlaşır.

Apasport.az xəbər verir ki, fevralın 2-3-də əməkdar məşqçi Aleksandr Antipovun xatirəsinə həsr olunmuş Bakı beynəlxalq qış yarışı keçiriləcək.

Azərbaycan Gənclər və İdman Nazirliyi, Azərbaycan Atletika Federasiyası və “Atletika” kubunun birgə təşkilatçılığı ilə baş tutacaq turnirdə ölkəmizlə yanaşı, Qazaxıstan, Qırğızıstan və Rusiyanın Saxa Respublikasından (Yakutiya) atletlər öz güclərini sınayacaqlar.

Yarış Paris-2024 Yay Olimpiya Oyunlarına lisenziya xarakteri daşıyacaq. Turnirin proqramına böyüklər arasında 60 m qaçış, uzunluğa tullanma və üçtəkanla tullanma növləri də daxil edilib.

U-18 yaş qrupunda isə atletlər uzunluğa tullanma və 60 məsafəyə qaçışda mübarizə aparacaqlar.

Qeyd edək ki, Bakı beynəlxalq qış yarışı Respublika Olimpiya Mərkəzində təşkil olunacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”