Azərbaycan cüdoçusu Leyla Əliyeva Yaponiyanın paytaxtı Tokioda keçirilən Böyük Dəbilqə turnirində mübarizəni dayandırıb. 

Apasport.az saytının məlumatına görə, 48 kq çəkidə mübarizə aparan idmançı startda meksikalı Edne Karillo ilə üz-üzə gəlib. 

1/8 final çərçivəsində baş tutan görüş rəqibin qələbəsi ilə başa çatdığından Əliyeva yarışla erkən vidalaşıb. 

Qeyd edək ki, Böyük Dəbilqədə ölkəmiz yalnız Leyla Əliyeva ilə təmsil olunurdu.